ഒരു ഭ്രാന്തന്റെ ചിന്തകള്‍

ഭ്രാന്ത്‌ , ഭ്രാന്തന്‍ ;

അന്തമായി സ്നേഹിക്കിലൊരുവന്‍ ഭ്രാന്തന്‍..

പ്രണയത്തെ വെടിഞ്ഞ താപസനും ഭ്രാന്തന്‍..

ആത്മീയതയെ തേടിയലയുന്നവനും ഭ്രാന്തന്‍.

മരണം ചഷകത്തില്‍ പാനം ചെയ്തവനും ഭ്രാന്തന്‍.

ഉടയവരെ വെടിഞ്ഞു ഉടലെടുത്ത്

അതിരിലേക്ക് പോയവനും ഭ്രാന്തന്‍ .

അഴലിനോട് നിഴല്‍കൂത്ത് നടത്തും നീയോ ,

മഴവില്ലിനോട്‌ ചിരിക്കൂത്ത്  നടത്തും നീയോ ,

അന്തവിശ്വാസങ്ങളെ ഭര്‍ത്സികും ഞാനോ ഭ്രാന്തന്‍ ?

മനസ്സിന്‍ ആഴമറിയാതെ പെണ്ണിന്‍ 

വര്‍ണ്ണശബളിമയില്‍ കബളിതര്‍ ;

വഴിവക്കിലലയുമൊരമ്മയ്ക്ക് ഒരണപോലും 

നല്‍കാതെ നടന്നകലുന്നവര്‍ ;

പിന്‍പുറത്തിരുന്ന്‌ അന്യന്‍റെ ജീവിതച്ചാലുകള്‍

കുത്തിക്കീറി പിറുപിറുക്കുന്നവര്‍ ;

മരണത്തെ ജയിക്കാൻ മരുന്നിനടിമ,  
യുക്തിയെ ജയിക്കാൻ ലഹരിക്കുമടിമ,
മനസാക്ഷിയെ ജയിക്കാൻ ഭയത്തിനും അടിമ,
ഈ ജീവിത കാലമത്രയും നീയേ ഭ്രാന്തൻ..

അങ്ങനെയോര്‍ക്കില്‍ പ്രപഞ്ചത്തില്‍ 

ഭ്രാന്തമായലയും  അണുവിനും ഭ്രാന്ത് ..