ചിന്നേച്ചി

ചിന്നേച്ചി,  ഇനി ഓർമയുടെ കോവിലിൽ 

മുഴങ്ങുന്ന  ശബ്ദമാകുമ്പോൾ ,

എനിക്ക് നഷ്ടമാകുന്നു ,

ഇന്നലെകളിലേക്കോടുന്നയെന്റെ വേരുകൾ ..

അറിവിനും അന്നത്തിനുമായി നാട് വിട്ടലയുമ്പോൾ 

എനിക്ക് നഷ്ടമാകുന്നു ,

ആ നെറുകിൽ ഒരു അവസാന ചുംബനവും ..

നോവിന്റെ പീഡകളോടു വിട പറഞ്ഞു ,

ചിന്നേച്ചി  യാത്രയാകുമ്പോൾ,

ഇവിടം, എന്റെ തറവാട് , ശൂന്യമാകുന്നു.

 ഓർമകളിലിന്നു തിരിതെളിയുന്നു,

എന്നും ചിരിതൂകുന്ന മുഖവും,തനിമയും,

നിലയ്ക്കാത്ത സ്നേഹാന്വേഷണങ്ങളും..

പഴയ കഥകളും , അറിവുകളും 

പിന്നെ പഴമയുടെ തനതായ പലതും..

ഇനി ഓർമകൾ മാത്രം .

തിരക്കുള്ള  ശീതീകരിച്ച വഴികളിൽ,

ചൂടുള്ള പ്രാണവായുവായി,

മുങ്ങിയും പൊങ്ങിയുമവ 

മരിക്കാതെ മനസ്സിൽ ഒഴുകുന്നു .